Fallegt og hlýlegt starfsumhverfi er einn af þeim þáttum sem skipta miklu máli fyrir góðan starfsanda og vellíðan starfsmanna. Árið 2017 hannaði ég þessar skrifstofur, fundarrými og kaffistofu fyrir metnaðarfullt útgerðarfyrirtæki.
Barskápur er hér felldur inn í vegg í borðstofu. Reyklitaður spegill í botni skápsins spilar á rýmið og hjálpar til við lýsinguna. (Hannað 2015)
Það er alltaf gaman þegar gestasnyrtingar hjá fyrirtækjum eru aðlaðandi og koma á óvart. Hér er leikið með spegla og lýsingu sem bæði stækka og "rugla" aðeins í rýminu.
Þetta hús hannaði ég fyrst 2009 og svo aftur 2017 fyrir nýja eigendur. Í seinni umferðinni var m.a. lögð áhersla á að stofan yrði í góðum tengslum við eldhúsið og væri fjölskylduvænt samverurými.
